Barcelona ka vendosur të mbajë Ansu Fatin në klub sezonin e ardhshëm. Ky duket si vendimi përfundimtar i klubit katalunas siç u konfirmua nga presidenti Joan Laporta të dielën mbrëma.
Ai ka thënë se sulmuesi i talentuar do të vazhdojë të luajë për skuadrën, ndërsa shpreson që të fitojë besimin e Xavit.
“Ansu Fati ? Le të vazhdojë këtu. Ai duhet të fitojë besimin e Xavit, Ansu mund ta bëjë këtë me talentin e tij”, ka deklaruar Laporta.
Fati performoi mjaft mirë për Barçën sezonin e kaluar pavarësisht se nuk nisi ndeshje të rëndësishme për klubin.
20-vjeçari shënoi 10 gola dhe dha katër asistime në 51 ndeshjet e tij për klubin.
Ky ishte rikthimi i tij në formën më të lartë dhe shumica e ndeshjeve të luajtura në një sezon të vetëm që kur u bë profesionist.
Mediumi "D-News" mirëmbahet nga kompania "D-News LLC". Materialet dhe informacionet nuk mund të kopjohen, të shtypen ose të përdoren në çfarëdo forme tjetër për qëllime përfitimi, pa miratimin e menaxhmentit të kompanisë. Për ta shfrytëzuar materialin, kërkohet që t'i referoheni qartë portalit D-news.org.
D-News, © 2024 Të gjitha të drejtat e rezervuara.
