Njëri nga katër klubet gjigante te Turqisë, Trabzonspor është aktivizuar për Dakun, shkruajnë mediat turke.

Nenad Bjelica, trajneri i ri i klubit, ka punuar më parë me Dakun, pikërisht në Osijek. Lojtari ka kontratë me klubin kroat edhe një vit dhe për të kërkohen 1 milion euro.

Në anën tjetër edhe Rapid Bukuresht interesohet për Dakun dhe tashmë sipas mediave rumune, ka bërë ofertë.

Rapid po kërkon një sulmues për sezonin e ardhshëm, me të cilin synon të fitojë Kupën e Rumanisë dhe një vend në treshen e parë të Superligës, që garanton garat ndërkombëtare.